வாழ்க்கையும் சில நேரங்களில் சினிமாத்தனமாகத்தான் இருக்கிறது. வெளித்தோற்றத்தை பார்த்து நாம் ஏதோ ஒன்று நினைக்க அதன் உள் அர்த்தமோ வேறொரு சஸ்பென்ஸை உடைக்கிறது. சாதாரண மனிதனுக்கு மட்டுமில்லை சினிமாவில் மாஸ் ஹீரோவாய் கம்பு சுற்றியவர்களை கூட காலம் ஒரு கட்டத்தில் தலைகீழாய் சுற்றிவிடுகிறது. இதற்கு விஜயகாந்த் மட்டும் விலக்கா என்ன? என்று கேட்கத் தோன்றுகிறது.
தமிழ் நாட்டில் அரசியல் மற்றும் சினிமாவில் மிக உயர்ந்த நிலையை அடைந்த விஜயகாந்த், சிங்கப்பூர் விமான நிலையத்தில் சக்கர வண்டியில் தனது உதவியாளருடன் சென்ற காட்சி அனைவரையும் அதிர்ச்சி அடைய வைத்தது. சினிமா உலகில் புரட்சி நடிகர் மற்றும் கேப்டன் என்று செல்லமாக அழைக்கப்படும் இவரின் அண்மைப் புகைப்படம் அவரின் உடல் நலம் குறித்து பல்வேறு கேள்விகளை எழுப்புகிறது.
#வீரத் தமிழன்
