கோலா லம்பூர், நவம்பர் 27:
சிலாங்கூர் மகளிர் ஹாக்கி அணி பகாங் அணியை 5-2 என்ற கோல் கணக்கில் வீழ்த்தி ரசாக் மகளிர் கிண்ணத்தை வாகை சூடியது. சிலாங்கூர் அணியின் பயிற்சியாளர் இக்மால் அப்துல் ஜபார் கூறுகையில், தனது அணியினர் சிறந்த விளையாட்டை வெளிப்படுத்தி உபசரணை அணியான கோலா லம்பூரை அரையிறுதி ஆட்டத்தில் தோற்கடித்து இறுதி ஆட்டத்திற்கு தகுதி பெற்றது குறிப்பிடத்தக்கது. இதில் 3-2 என்ற கோல் கணக்கில் கோலா லம்பூரை வெற்றி கண்டது.
இறுதி ஆட்டத்தில் சிலாங்கூர் அணியினர் நடப்பு வெற்றியாளரான பகாங் அணியை எதிர் கொண்டு விளையாடும் போது மிக இலகுவாக எடுத்துக் கொள்ள வேண்டும் என்று வலியுறுத்தியதாக பயிற்சியாளர் இக்மால் கூறினார். இந்த வெற்றி மிகவும் மகிழ்ச்சியான ஒன்று என்றும் இதுவரை இக்கிண்ணத்தை வெற்றி பெற்றது கிடையாது என்று பெருமிதம் கொண்டார்.
#வீரத் தமிழன்
