.கோலாலம்பூர், நவ. 15 — தேசிய உச்ச மகளிர் இரட்டையர் ஜோடி பியெர்லி தான் - எம். தீனா, குமமோட்டோவில் நாளை நடைபெறும் ஜப்பான் மாஸ்டர்ஸ் 2025 இறுதிப் போட்டிக்கு தங்கள் வழியை அமைத்துள்ளனர். இந்த சீசனின் மூன்றாவது பட்டத்தைப் பெறுவதற்கு ஒரு அடி நெருங்கியுள்ளனர். குமமோட்டோ மாகாண ஜினேசியத்தில் நடைபெற்ற சூப்பர் 500 போட்டியின் இன்றைய அரை இறுதியில், பியெர்லி தான் - எம். தீனா தங்கள் உச்ச நிலைக்கு ஏற்ப செயல்பட்டு, உள்ளூர் ஜோடியான உலகத்தர மூன்றாம் நிலை இரட்டையர்களான யுகி ஃபுகுஷிமா-மாயு மத்சு மோட்டோவின் கடுமையான சவாலை 57 நிமிடங்கள் எதிர்த்து, 24-22, 23-21 என வென்று இந்த சீசனின் ஏழாவது இறுதிப்போட்டிக்கு முன்னேறினர்.
இந்த முடிவு, 2025 உலக சாம்பியன்ஷிப்பில் ரன்னர்ஸ்-ஆப் களான பியெர்லி தான் - எம். தீனா ஜோடி ஐந்துக்கு - ஒன்று என்ற புள்ளிக்கணக்கில் ஃபுகுஷிமா-மத்சுமோட்டோவை விட சிறப்பான முன்னணி சாதனையை நீட்டித்தனர். உலக தரவரிசையில் இரண்டாம் நிலை இரட்டையர்களான அவர்கள் நாளை இறுதிப் போட்டியில் ஜப்பானின் மற்றொரு ஜோடியான நான்காவது நிலை இவானாகா-கி நகானிஷி ஆகியோரை எதிர்கொள்ளும், அவர்கள் தென்கொரியாவின் இரண்டாவது நிலை ஜோடியான கிம் ஹை ஜியோங்-கோங் ஹீ யோங் ஆகியோரை 21-16, 21-11 என தோற்கடித்தனர். மலேசியர்கள் ஜப்பானிய ஜோடியுடன் எட்டு சந்திப்புகளில் ஆறு வெற்றிகளை பதிவு செய்துள்ளதால், உச்சகட்ட நம்பிக்கையில் இருக்கிறார்கள். பியெர்லி தான் - எம். தீனா இந்த ஆண்டு மே மாதத்தில் தாய்லாந்து ஓப்பனில் தங்கள் முதல் பட்டத்தைப் பெற்றனர், கடந்த மாதம் பின்லாந்தின் வான்டா நகரில் நடைபெற்ற ஆர்க்டிக் ஓப்பனில் இரண்டாவது பட்டத்தை வென்றனர்.
