மெக்சிகோ, டிச 29: ஞாயிற்றுக்கிழமை தெற்கு மெக்சிகோவில் உள்ள நிசாண்டா அருகே அமைந்துள்ள பாலத்தில் 241 பயணிகள் மற்றும் 9 பணியாளர்களை ஏற்றிச் சென்ற பயணிகள் ரயில் தடம் புரண்டதில் 13 பேர் உயிரிழந்தனர் மற்றும் 98 பேர் காயமடைந்தனர் என்று சின்ஹுவா செய்தி வெளியிட்டுள்ளது.
மத்தியாஸ் ரோமெரோ நகராட்சிக்கு செல்லும் வழியில் ரயில், பள்ளத்தாக்கு ஒன்றில் விழுந்ததாகக் கூறப்படுகிறது என்று ஓக்ஸாகா ஆளுநர் சாலோமோன் ஜாரா தெரிவித்தார்.
இச்சம்பவத்தில் ரயில் பெட்டிகளில் சிக்கிய பாதிக்கப்பட்டவர்களை சிறப்பு உபகரணங்களைப் பயன்படுத்தி மீட்கும் நடவடிக்கையைத் அதிகாரிகள் தொடங்கியுள்ளனர்.
“கடற்படை செயலகத்துடன் இணைந்து மாநிலத்தின் அரசு பாதுகாப்பு மற்றும் இடர் மேலாண்மை ஒருங்கிணைப்பு, மாநில போக்குவரத்து காவல்துறை மற்றும் ஆம்புலன்ஸ் குழுக்கள் உதவி வழங்குவதற்காக சம்பவ இடத்தில் உள்ளன. சமீபத்திய முன்னேற்றங்களை நாங்கள் தொடர்ந்து புதுப்பிப்போம், ”என்று ஆளுநர் கூறினார்.
-- பெர்னாமா-சின்ஹுவா
