கோம்பாக், டிசம்பர் 27 - மந்திரி புசார் டத்தோ 'ஸ்ரீ அமிருடின் ஷாரி இன்று காலை கோம்பாக் நாடாளுமன்றத் தொகுதியை சுற்றியுள்ள பகுதிகளில் தனது களபணியை தொடர்ந்தார், வாழ்க்கைச் செலவு பிரச்சினைகளை நேரடியாக கண்காணிக்கவும், உள்ளூர் சமூகத்துடன் கலந்துரையாடவும், அப்பகுதியில் வளர்ச்சித் திட்டங்களை செயல் படுத்துவதைக் கண்காணிக்கவும் வருகையளித்தார்.
பசார்தானி தாமான் மெலாவதியில் வர்த்தகர்கள் மற்றும் வருகையாளர்களை சந்தித்து வாழ்த்து தெரிவித்துக்கொண்டு, தனது பயணத்தைத் தொடங்கிய அவர் நிகழ்வில் 2026 காலெண்டர்கள் விநியோகம் மற்றும் காலை உணவு மீ ரெபுஸ் வழங்கப்பட்டது.
அந்த 20 நிமிட பயணம் பொது மற்றும் மாநிலத் தலைமைக்கு இடையே இருவழி தகவல் பரிமாற்றத்திற்கான ஒரு வழியாகவும் அமைந்தது.
தாமான் மெலாவதியில் புதிதாக திறக்கப்பட்ட எஷான் மார்ட்டின் 16 வது கிளையை அமிருடின் பார்வையிட்டார், சமூக பல்பொருள் அங்காடியின் செயல் பாடுகளைக் கண்காணித்தார், இது மக்கள் மீதான வாழ்க்கைச் சுமையை எளிதாக்குவதற்கான மாநில அரசின் முயற்சிகளுக்கு ஏற்ப அன்றாட தேவைகளை மலிவு விலையில் வழங்குகிறது.
இந்தப் பயணத்தின் போது, அவர் தனது சொந்த சும்பங்கன் ஆசாஸ் ரஹ்மா (சாரா) வை பயன்படுத்தி அத்தியாவசிய பொருட்களை வாங்கினார், பின்னர் அவை உலு கில்லாங் மாநிலத் தொகுதியில் தேவைப்படுபவர்களுக்கு விநியோகிக்கப்பட்டன.
தாமான் கிராமாட்டில் உள்ள பாடாங் ஏ. யூ 3 இல் உள்ள கோம்பாக் தொகுதியின் அமலாக்க ஒருங்கிணைப்பு பிரிவின் கீழ் வளர்ச்சித் திட்டங்களை ஆய்வு செய்வதன் மூலம் பயணம் தொடர்ந்தது.
திட்ட கண்காணிப்பு அடையாள சைகையாக, அமிருடின் திட்ட அடையாள பலகையில் கையெழுத்திட்டார் மற்றும் உள்ளூர் சமூகத்தின் பயன் பாட்டிற்காக கால்பந்து கோல் வலை மற்றும் உபகரணங்களை வழங்கினார்.
இதன் மூலம் சமூக விளையாட்டு நடவடிக்கை களுக்கு சாதகமான பங்களிப்பு செய்தார்.
