கோலாலம்பூர் டிச 21; 2025 ஆம் ஆண்டு நடைபெறவுள்ள ஆசிய விளையாட்டுப் போட்டிகளில் மொத்தம் 231 பதக்கங்களை வென்ற மலேசிய அணிக்கு மாட்சிமை தங்கிய யாங் டி பெர்துவான் அகோங் சுல்தான் இப்ராஹிம் மற்றும் பேரரசியார் ஜரித் சோபியா ஆகியோர் தங்கள் வாழ்த்துக்களை தெரிவித்துள்ளனர்.
இன்று சுல்தான் இப்ராஹிம் சுல்தான் இஸ்கந்தரின் முகநூல் பதிவின் படி, போட்டி முழுவதும் நாட்டின் விளையாட்டு வீரர்கள் வெளிப்படுத்திய சண்டை மனப்பான்மை மற்றும் அதிக அர்ப்பணிப்பு குறித்து அவர்களின் மாட்சிமைகள் தங்கள் பெருமையை வெளிப் படுத்தினர்.
தேசிய விளையாட்டு கவுன்சில், பயிற்சி ஊழியர்கள், அதிகாரிகள் மற்றும் தேசிய அணியின் வெற்றியை உறுதி செய்வதில் நேரடியாகவோ அல்லது மறைமுகமாகவோ ஈடுபட்டுள்ள அனைத்து தரப்பினருக்கும் மாட்சிமை மிக்க பேரரசர் பாராட்டு தெரிவித்தார்.
"இந்த சாதனை தேசத்தின் விளையாட்டுகளின் சிறப்புக்கான ஊக்கியாகவும், இளைய தலை முறையினர் தொடர்ந்து உயர் மட்டங்களில் வெற்றிக்காக பாடுபடுவதற்கு உத்வேகமாகவும் செயல்படுகிறது" என்று மாட்சிமை மிக்கவர் கூறினார்.
நேற்று அதிகாரப்பூர்வமாக முடிவடைந்த 2025 SEA விளையாட்டுகளில், மலேசியா 57 தங்கம், 57 வெள்ளி மற்றும் 117 வெண்கலப் பதக்கங்களுடன் நான்காவது இடத்தைப் பிடித்தது, அதே நேரத்தில் விளையாட்டை ஏற்று நடத்திய தாய்லாந்து 233 தங்கம், 154 வெள்ளி மற்றும் 112 வெண்கலப் பதக்கங்களுடன் பதக்க பட்டியலில் முதலிடத்தை பிடித்தது.
