ஷா ஆலம், டிசம்பர் 14 - தாமான் மேடான் மாநில தொகுதியில் சட்டவிரோத வியாபாரிகள் மற்றும் வர்த்தகர்களின் பிரச்சினை அடுத்த ஆண்டு தீர்க்கப்பட வேண்டிய முக்கிய முன்னுரிமைகளில் ஒன்றாக அடையாளம் காணப்பட்டுள்ளது.
இப்பகுதியில் உள்ள வர்த்தகர்களின் நலன் மற்றும் வாழ்வாதாரங்கள் தொடர்ந்து பாதுகாக்கப்படுவது உறுதி செய்வதற்காக நகர கவுன்சிலர்களுடன் இந்த விவகாரம் விவாதிக்க பட்டுள்ளதாக அதன் ஒருங்கிணைப்பாளர் ஹலீமி அபு பக்கர் தெரிவித்தார்.
"சட்டவிரோத வியாபாரிகள் மற்றும் வர்த்தகர்- களின், குறிப்பாக பி. ஜே. எஸ். 4 பகுதியில் உள்ள பிரச்சனைகளுக்கு தீர்வு காண்பது உட்பட, அடுத்த ஆண்டுக்கான பல திட்டங்கள் தயாரிக்கப் பட்டு கவுன்சிலர்களுடன் விவாதிக்கப்பட்டுள்ளன.
"கூடுதலாக, வணிகர்கள் மற்றும் பார்வையாளர்களின் பாதுகாப்பை உறுதி செய்வதற்காக பி. ஜே. எஸ் 4 சந்தையில் ஒரு கூரையை நிறுவவும் நாங்கள் திட்டமிட்டு-ள்ளோம்" என்று அவர் கூறினார்.
செக்க்ஷன் 14 இல் உள்ள மார்டியா ஹோட்டல் மற்றும் சூட்ஸில் மாநில தொகுதியின் ஒருங்கிணைப்பு தன்னார்வலர்களுடன் மெனாபுர் பக்தி, மெனுவாய் காசிஹ் இரவு உணவுக்குப் பிறகு ஊடகங்களுடன் ஹலீமி பேசினார்.
சந்தையை மேம்படுத்துவதற்கு ஒதுக்கீடு குறித்து கருத்து தெரிவித்த அவர், இது பெட்டாலிங் ஜெயா நகர சபையின் (எம்பிபிஜே) கீழ் வருகிறது என்றார்."இந்த சந்தை தனித்துவமானது, ஏனெனில் இது ஒரு காலை மற்றும் இரவு சந்தையை இயக்குகிறது, ஆனால் இப்பகுதி ஒப்பீட்டளவில் விசாலமானது, எந்த நேரத்திலும் 100 க்கும் மேற்பட்ட வர்த்தகர்கள் செயல்படுகிறார்கள்.
"இன்சையல்லாஹ் (கடவுள் விரும்பினால்) அங்கு கூரை நிறுவும் பணிகள் அடுத்த ஆண்டு மே மாதத்தில் தொடங்கும் என்று எதிர்பார்க்கப் படுகிறது" அதற்கான விண்ணப்பம் உள்ளூர் அதிகாரிகளிடம் சமர்ப்பிக்கப்பட்டுள்ளது, என்றும் ஹலீமி கூறினார்.
