கோலாலம்பூர் டிச. 5 ; மாநில அரசுக்கு சொந்தமான கால்நடை இனப்பெருக்க கூட்டு முயற்சி திட்டம் தொடர்பான குற்றச்சாட்டில் மலேசிய ஊழல் தடுப்பு ஆணையத்தின் (எம்ஏசிசி) கெடா கிளையால் நாடாளுமன்ற உறுப்பினர் ஒருவர் நேற்று கைது செய்யப்பட்டார்.
இந்த ஃபீட் லாட் திட்டத்திற்கான நிலப் பயன்பாட்டு உரிமைகளைப் பெற உதவியதற்கு ஈடாக சுமார் RM4,00,000 பெற்றதாகக் கூறப்படும் குற்றச்சாட்டுகள் குறித்து பிப்ரவரி முதல் விசாரணை நடந்து வருவதாக அந்த வட்டாரம் தெரிவித்துள்ளது.
"பிப்ரவரி 10 ஆம் தேதி பெறப்பட்ட புகாரைத் தொடர்ந்து விசாரணை அறிக்கை திறக்கப்பட்டது, இதுவரை, விசாரணைக்கு உதவ 15 சாட்சிகளின் அறிக்கைகள் பதிவு செய்யப்பட்டுள்ளன" என்று அவர் கூறினார். இதற்கிடையில், எம் ஏசிசி தலைமை ஆணையர் டான் ஸ்ரீ அசாம் பக்கியை தொடர்பு கொண்டபோது, கைது செய்யப்பட்டதை உறுதிப்படுத்தினார். சம்பந்தப்பட்ட நபர் எம் ஏசிசி சட்டம் 2009 இன் பிரிவு 53 (3) இன் படி பதிவு செய்யப்பட்டு, அவரின் வாக்குமூலம் பெறப்பட்ட பின்னர் ஜாமீனில் விடுவிக்கப்பட்டார் என்று அவர் கூறினார்.
