மலேசிய பராமரிப்பு ஊழியர்களில் மனச்சோர்வு மற்றும் பணிச்சுமை ஆபத்தான அளவில் உயர்ந்துள்ளது — ஆய்வு

ஷா ஆலம், நவம்பர் 1 — புதிய RE:CARE திட்டத்தின் ஆய்வு  மலேசியாவின் பராமரிப்பு (care) துறையில் பணியாற்றும் ஊழியர்களில் மிகவும் அதிகமான மனச்சோர்வு மற்றும் வேலை சார்ந்த அழுத்தம் இருப்பதை வெளிப்படுத்தியுள்ளது.

இந்த ஆய்வின் படி, ஒவ்வொரு மூன்று ஊழியர்களில் ஒருவர் 34.5 சதவீதம் பேர், அடுத்த ஐந்து ஆண்டுகளில் துறையை விட்டு வெளியேற விரும்புவதாக தெரிவித்துள்ளனர்.

“Towards a Resilient Care Workforce: Lessons from Covid-19 in Malaysia” எனும் தலைப்பில் வெளியிடப்பட்ட இந்த அறிக்கை, தொற்றுநோய்க்கு ( பாண்டமிக்) முடிந்த பிறகும் கூட. 56.2 சதவீத பராமரிப்பு ஊழியர்கள், மிதமானது முதல்கடுமையான சோர்வை அனுபவித்து வருகிறார்கள் என்று கூறுகிறது.

மேலும், நால்வரில் மூன்று பேர் (75.7%) தங்கள் மொத்த நலநிலை கோவிட்-19 காலத்தில் கணிசமாக குறைந்தது என்று தெரிவித்துள்ளனர்.

அதேவேளை, இரு மூன்றாம் பங்கு (67.2%) ஊழியர்கள் இன்னும் தங்களின் மன மற்றும் உடல் ஆரோக்கியத்தை முழுமையாக மீட்டுக் கொள்ளவில்லை  என்றும் கூறினர்.

“பாண்டமிக் காலத்தில், ஒவ்வொரு மூன்று பராமரிப்பு ஊழியர்களில் ஒருவராவது வாரத்திற்கு 70 மணிநேரத்திற்கும் மேலாக வேலை செய்தனர்.

இப்போது நிலைமை சீராகியிருந்தாலும், பலர் இன்னும் Employment Act-ல் குறிப்பிடப்பட்ட 45 மணி நேர வரம்பை மீறி வேலை செய்து வருகின்றனர்,” என்று அறிக்கையில் குறிப்பிடப் பட்டுள்ளது.

RE:CARE திட்டம் எச்சரித்ததாவது, இந்த தொடர்ச்சியான மன-உடல் அழுத்தம்  மலேசியாவின் பராமரிப்பு அமைப்பின் வலிமையை பாதிக்கக்கூடும் — குறிப்பாக நாடு விரைவாக முதியோர் மக்கள் தொகை நிலைக்கு சென்றுகொண்டிருக்கும் நிலையில்.

இந்த ஆய்வு 1,534 கணக்கெடுப்பு பதிலளிப்பவர்கள், 144 குழு கலந்துரையாடல் பங்கேற்பாளர்கள், மேலும் 20 கொள்கை அமைப்பாளர்கள் மற்றும் தொழில் நிபுணர்களுடன் நேர்காணல்கள் ஆகியவற்றை உள்ளடக்கியது.

RE:CARE அரசு துறையினருக்கு பரிந்துரைத்தது — மனச்சோர்வு மற்றும் பணியாளர் விலகல் விகிதத்தை குறைக்க, நியாயமான மற்றும் பாலின சமநிலையைக் கொண்ட கொள்கைகளை  உருவாக்க வேண்டும் என்றும்.

“பெரும்பாலான பராமரிப்பு ஊழியர்கள் பெண்களாக உள்ளனர். அவர்களின் பங்களிப்பை நாங்கள் மறுபரிசீலனை செய்து, அவர்களுக்கு சரியான அங்கீகாரம், பாதுகாப்பு மற்றும் ஆதரவு வழங்க வேண்டும்,” என்று முதன்மை ஆய்வாளர் அனிஸ்பாரிட்  தெரிவித்துள்ளார்.

மாநில அளவில்,  சிலாங்கூர் பராமரிப்பு பொருளாதார அணுகுமுறையை (care economy approach) ஏற்றுக் கொண்ட முதல்நிலை மாநிலங்களில் ஒன்றாகும்.

இது Inisiatif Rumah Penjagaan Rakyat, Pusat Wanita Berdaya, மற்றும் Tunas குழந்தை பராமரிப்பு உதவி போன்ற #KitaSelangor  திட்டங்களின் ஒரு பகுதியாகும்.

இது RE:CARE திட்டத்தின் கோரிக்கையுடன் ஒத்துப்போகிறது — அதாவது, பராமரிப்பு வேலைகளை மேற்கொள்ளும்  பெண்கள் வீட்டு பொறுப்பாக மட்டுமல்லாமல், ஒரு முக்கிய பொருளாதார துறையாக அங்கீகரிக்க வேண்டும்.

RE:CARE திட்டம் என்பது பெண்கள் உதவி அமைப்பு (WAO), மலாயா பல்கலைக்கழகம் (Universiti Malaya) மற்றும் அல்பெர்டா பல்கலைக்கழகம் (University of Alberta)  ஆகியவற்றின் கூட்டு முயற்சி ஆகும்.

இது சுகாதார அமைச்சு மற்றும் TalentCorp  ஆகியவற்றின் ஆதரவோடு செயல்படுகிறது.

இந்த திட்டத்திற்கான நிதி International Development Research Centre மற்றும் Canadian Institutes of Health Research போன்ற சர்வதேச அமைப்புகள் வழங்குகின்றன.

58,000-க்கும் மேற்பட்ட நான்காம் படிவ மாணவர்கள் தலஸ்ஸீமியா கேரியர்களாக கண்டறியப்பட்டுள்ளனர்

புத்ராஜெயா, நவம்பர் 1 — 2016 முதல் பரிசோதனை செய்யப்பட்ட நான்காம் படிவ (Form Four) மாணவர்களில் மொத்தம் 58,428 பேர் தலஸ்ஸீமியா (Thalassemia) நோயை தாங்கி செல்பவர்கள் (carriers) என கண்டறியப் பட்டுள்ளதாக சுகாதார அமைச்சர் சுகாதார அமைச்சர் டத்தோ ஶ்ரீ டாக்டர்  ஜூல்கிப்ளி அகமது தெரிவித்தார்.

அவர் கூறியதாவது, இவர்கள் 1.8 மில்லியன் மாணவர்களில் ஒரு பகுதியாக உள்ளனர் — இம்மாணவர்கள் தங்கள் பெற்றோர் அல்லது பாதுகாவலர்களின் அனுமதியுடன் பரிசோதனையில் பங்கேற்றுள்ளனர்.

“நாங்கள் 2016 முதல் இந்த தலஸ்ஸீமியா பரிசோதனையை மேற்கொண்டு வருகிறோம். இது கல்வி அமைச்சின் 3K (சுத்தம், சுகாதாரம் மற்றும் பாதுகாப்பு) குழுவின் ஒப்புதலின் பேரில் 16 வயது மாணவர்களை இலக்காகக் கொண்டது.

இந்த பரிசோதனை நான்காம் வகுப்பு மாணவர்களுக்கோ அல்லது பள்ளிகளில் நடக்கும் விழிப்புணர்வு திட்டங்களுக்கோ உட்பட்டதாகும்,” என அவர் இன்று புத்ராஜெயாவில் நடைபெற்ற ‘2வது தேசிய தலஸ்ஸீமிக் மற்றும் பராமரிப்பாளர்கள் மாநாடு 2025’-இல் தெரிவித்தார்.

தலஸ்ஸீமியா என்பது மரபணு வழி பரவும் இரத்தக் குறைபாடு ஆகும். இது உடலில் ஹீமோகுளோபின் உருவாகும் திறனை பாதிப்பதனால், ஆரோக்கியமான சிவப்பணுக்களின் எண்ணிக்கை குறைந்து, இரத்தசோகை (anemia) ஏற்படும்.

இதனால் சோர்வு, பலவீனம் மற்றும் உடல் சோர்வு உண்டாகும்.

டாக்டர் சுகாதார அமைச்சர் டத்தோ ஶ்ரீ டாக்டர்  ஜூல்கிப்ளி அகமது கூறியதாவது, 2016 முதல் நான்காம் படிவ மாணவர்களுக்காக மேற்கொள்ளப்பட்ட தலஸ்ஸீமியா பரிசோதனை திட்டத்தின் மூலம் புதிய பிறப்புகளில் தலஸ்ஸீமியா நோயாளிகளின் எண்ணிக்கை தொடர்ந்து குறைந்து வருகிறது.

“இது மிகவும் பயனுள்ள சுகாதார முயற்சியாகும். இந்த பரிசோதனையின் விளைவாக தலஸ்ஸீமியா தாங்கி செல்பவர்களுக்கிடையிலான திருமணங்கள் குறைக்கப்படுகின்றன,” என அவர் தெரிவித்தார்.

அவர் மேலும் கூறியதாவது, இந்த பரிசோதனை மூலம் தனிநபர்கள் தங்களின் தலஸ்ஸீமியா நிலையைப் புரிந்து கொண்டு, குடும்ப திட்டமிடலில் சரியான முடிவுகளை எடுக்க உதவுகிறது.

“நாங்கள் பரிசோதனைக்கு பின் ஆலோசனைகள் வழங்குகிறோம். இதன் மூலம் அவர்கள் தங்களின் துணைவராக மற்றொரு கேரியரைத் தேர்ந்தெடுப்பதை தவிர்க்க வேண்டும் என்பதை உணர்த்துகிறோம்,” என்றார்.

முன்னதாக தனது உரையில், அமைச்சர் டத்தோ ஶ்ரீ டாக்டர்  ஜூல்கிப்ளி அகமது கூறியதாவது, சுகாதார அமைச்சு (MOH) அடுத்த 10 ஆண்டுகளில்   புதிய தலஸ்ஸீமியா பிறப்புகளை குறைந்தது 50 சதவீதம் குறைப்பதை இலக்காகக் கொண்டு, திருமணத்திற்கு முன் மற்றும் கர்ப்பகால பரிசோதனைகளை நாடு முழுவதும் விரிவாக்கி வருகிறது.

“MOH தற்போது பரிசோதனைத் தரவுகளை தேசிய சுகாதார அமைப்புடன் டிஜிட்டல் முறையில் ஒருங்கிணைக்கிறது. இதனால் துல்லியம் மற்றும் தொடர்ந்த கண்காணிப்பு மேம்படும். அதேசமயம், ‘தேசிய தலஸ்ஸீமியா அபாய தளவியல் பலகை’ உருவாக்கப்படுகிறது — இது அதிக அபாயம் உள்ள மாவட்டங்களை வரைபடமிடவும், குறிக்கோள் விழிப்புணர்வு திட்டங்களை வழிநடத்தவும் உதவும்,” என்றார்.

அவர் மேலும் கூறியதாவது, My Thalassaemia பதிவேடு மூலம் நாடு முழுவதும் நோயின் பரவல் மற்றும் விளைவுகள் பற்றிய முழுமையான தரவுகள் சேகரிக்கப் படுகின்றன. இது அண்மைய மருத்துவ ஆராய்ச்சி மற்றும் துல்லிய மருத்துவ முயற்சிகளுக்கான அடித்தளமாக அமையும்.

இதற்கிடையில், டத்தோ ஶ்ரீ டாக்டர்  ஜூல்கிப்ளி  இன்ஃப்ளூயன்சா (காய்ச்சல்) அறிகுறிகள்  காண்பவர்கள் உடனடியாக மருத்துவமனை அல்லது கிளினிக்கில் சிகிச்சை பெற வேண்டும் என அறிவுறுத்தினார்.

“நீங்கள் அறிகுறிகள் கொண்டிருந்தால் உடனடியாக மருத்துவ ஆலோசனை பெறுங்கள். சுய பரிசோதனை (self-test kit) வாங்க வேண்டாம்; அதற்கான கொள்கை எங்களிடம் இல்லை,” என்றார்.

அங்கீகாரம் பெறாத அல்லது போலி பரிசோதனை கருவிகள் விற்பனை செய்யப்படுவதாக கூறப்படும் குற்றச்சாட்டுகள் குறித்து, அவர் அமைச்சக அதிகாரிகளுடன் இதை விவாதித்து விசாரணை மேற்கொள்ளப் படும் என உறுதியளித்தார்.

“எந்த தரப்பும் போலி அல்லது அனுமதியில்லாத பரிசோதனை கருவிகளை விற்க முடியாது. நான் இதைப் பற்றி கண்டிப்பாக நடவடிக்கை எடுப்பேன்,” என்றார்.

அடுத்த வாரமும் உறுதியுடன் தொடரும் ரிங்கிட்டின் முன்னேற்றம் — வங்கி நிபுணர்கள்

கோலாலம்பூர், நவம்பர் 1 — மலேசிய மத்திய வங்கி (Bank Negara Malaysia – BNM) வரும் நவம்பர் 6 அன்று அறிவிக்க உள்ள ஒரே இரவு வட்டி கொள்கை விகிதம் (Overnight Policy Rate – OPR) தொடர்பான முடிவு, அடுத்த வார சந்தை இயக்கத்தின் முக்கிய அம்சமாக இருக்கும் நிலையில், ரிங்கிட்டின் நேர்மறை போக்கு தொடரும் என எதிர்பார்க் கப்படுகிறது.

வங்கி முவாமாலட் மலேசியா பெர்ஹாட் தலைமை பொருளாதார நிபுணர் மொஹ்த் அஃப்ஸனிசாம் அப்துல் ரஷீத் கூறியதாவது,

ரிங்கிட் அடுத்த வாரம் அமெரிக்க டாலருக்கு எதிராக 4.18 முதல் 4.20 வரை வரம்பில் வர்த்தகம் செய்யப்படும் என எதிர்பார்க்கப்படுகிறது.

“இந்த முடிவு, BNM பொருளாதாரத்தை எவ்வாறு மதிப்பிடுகிறது மற்றும் எதிர்கால நாணயக் கொள்கை நிலைப்பாட்டை அது எவ்வாறு வடிவமைக்கும் என்பதற்கான தெளிவை வழங்கும்.

நாங்கள் OPR-ஐ 2.75 சதவீதத்தில் நிலைநிறுத்தப்படும் என கணிக்கிறோம், ஏனெனில் மலேசிய பொருளாதாரம் இன்னும் உறுதியுடன் உள்ளது.

இதற்கான அடிப்படை சமீபத்திய மூன்றாம் காலாண்டு (Q3 2025) மொத்த உள்நாட்டு உற்பத்தி (GDP) முன்னேற்ற மதிப்பீட்டில் 5.2 சதவீத வளர்ச்சி காணப் பட்டுள்ளது,” என்று அவர் பெர்னாமாவுக்கு  தெரிவித்தார்.

வாராந்திர அடிப்படையில், ரிங்கிட் கடந்த வாரத்துடன் ஒப்பிடும்போது சிறிதளவு உயர்வுடன் 4.1860/1930 விலையில் மூடப்பட்டது (முந்தைய 4.2210/2255 இல் இருந்து).

உள்நாட்டு நாணயம் முக்கிய நாணயங்களின் தொகுப்புக்கு எதிராகவும் வலுவாக இருந்தது.

அது ஜப்பானிய யெனுக்கு எதிராக 2.7162/7210 (முந்தைய 2.7592/7623) ஆக உயர்ந்தது,

பிரிட்டிஷ் பவுண்டுக்கு எதிராக 5.5025/5117 (முந்தைய 5.6232/6292) ஆக வலுவடைந்தது,

மேலும் யூரோவுக்கு எதிராக 4.8453/8534 (முந்தைய 4.9010/9062) ஆக வலுவாக முடிந்தது.

அதேபோல், ரிங்கிட் பெரும்பாலான ஆசியான் நாடுகளின் நாணயங்களுக்கும் எதிராக உயர்வைக் காட்டியது.

அது சிங்கப்பூர் டாலருக்கு எதிராக 3.2185/2241 (முந்தைய 3.2484/2521) ஆக உயர்ந்தது,

இந்தோனேசிய ரூபியாக்கு எதிராக 251.7/252.2 (முந்தைய 254.2/254.6) ஆக மேம்பட்டது,

பிலிப்பைன்ஸ் பெசோவுக்கு எதிராக 7.12/7.14 (முந்தைய 7.20/7.21) ஆக உயர்ந்தது,

ஆனால் தாய் பாட் நாணயத்திற்கு  எதிராக சிறிது வீழ்ச்சி கண்டு 12.9429/9702 (முந்தைய 12.8768/8952) ஆக முடிந்தது.