கோலாலம்பூர் அக் 16;- 2025 டென்மார்க் ஓப்பன் பேட்மிண்டன் சாம்பியன்ஷிப்பில் கலப்பு இரட்டையர் அரையிறுதி இடத்தை மலேசியா உறுதிப் படுத்தியுள்ளது, ஏனெனில் சென் டாங் ஜீ-தோ ஈ வீ மற்றும் கோ சூன் ஹுவாட்-ஷெவோன் லாய் ஜெமி ஆகியோர் நாளைய காலிறுதிப் போட்டியில் ஒருவருக்கொரு-வர் எதிர்கொள்ள உள்ளனர்.
ஒடின்சில் உள்ள ஜிஸ்கே வங்கி அரங்கில் இன்றைய இரண்டாவது சுற்று ஆட்டத்தில், முதலிட தேசிய ஜோடி டாங் ஜீ மற்றும் டோ ஈ வீ ஆகியோர் சீன இரட்டையர்களான காவோ ஜியா ஜுவான் மற்றும் வு மெங் யிங் ஆகியோரை 21-14,21-11 என்ற செட் கணக்கில் தோற்கடித்த பின்னர் முதல் எட்டு இடங்களுக்கு முன்னேறுவதில் அதிக சிக்கல்களை எதிர்கொள்ளவில்லை.
உலக தரவரிசையில் நான்காவது இடத்தில் உள்ள இந்த ஜோடி, ஜப்பானின் யுயிச்சி ஷிமோகாமி-சாயாகா ஹோபாராவை 21-18,21-13 என்ற செட் கணக்கில் தோற்கடித்து முன்னேறி சக நாட்டு வீரரான சூன் ஹுவாட்-ஷெவோனை எதிர்கொள்ளும்.
இதற்கிடையில், தேசிய மகளிர் இரட்டையர் அணி பியர்லி டான்-எம்.தீனா இரண்டாவது சுற்றில், ஜப்பானைச் சேர்ந்த உலக நம்பர் 55 ஜோடியான அரிசா இகாராஷி-சிஹாரு ஷிடாவால் 18-21,9-21 என்ற நேர் செட் கணக்கில் தோல்விக்கண்டு அதிர்ச்சியை எற்படுத்தினர்.
முன்னதாக, தேசிய ஆண்கள் இரட்டையர் ஜோடி நூர் முகமது அஸ்ரின் அயூப்-டான் வீ கியோங் தென் கொரியாவைச் சேர்ந்த உலக நம்பர் ஒன் ஜோடி கிம் வோன் ஹோ-சியோ சியுங் ஜேயை 21-19,21-14 என்ற நேர் செட்டில் வீழ்த்தியது இன்ப அதிர்ச்சியை ஏற்படுத்தியது. உலக தரவரிசையில் 24 வது இடத்தில் உள்ள இந்த ஜோடி காலிறுதிப் போட்டியில் சீனாவின் ஐந்தாவது சீட் லியாங் வீ கெங் மற்றும் வாங் சாங் ஆகியோரை எதிர்கொள்கிறது.
