கோலாலம்பூர், அக் 9: நிறுவனங்களுக்கு சொந்தமான வாகனங்களுக்கு BUDI MADANI RON95 (BUDI95) மானிய உதவித் திட்டத்தின் கீழ் பெற்ற பெட்ரோலை நிரப்ப ஊழியர்களை கட்டாயப்படுத்தப்படுவதற்கு அனுமதி இல்லை என தகவல் மற்றும் தகவல் தொடர்பு அமைச்சர் டத்தோ ஃபஹ்மி ஃபட்சில் தெரிவித்தார்.
இதுபோன்ற சம்பவம் ஏற்படும் பட்சத்தில், சம்பந்தப்பட்ட ஊழியர்கள் உள்நாட்டு வர்த்தகம் மற்றும் வாழ்வுச் செலவுத் துறை அமைச்சகம் (KPDN) அல்லது தொடர்புடைய அதிகாரிகளிடம் புகார் அளிக்கலாம் என அவர் தெரிவித்தார்.
“இது தவறான செயலாகும். நிறுவன வாகனத்துக்காக BUDI95 பெட்ரோலை நிரப்ப ஊழியர்களை கட்டாயப்படுத்தும் நிலை இருந்தால், அந்த ஊழியர்கள் KPDN அல்லது சம்பந்தப்பட்ட அதிகாரிகளிடம் புகாரளிக்கலாம்,” என அவர் தெரிவித்தார்.
இன்று விஸ்மா பெர்னாமாவில் நடைபெற்ற நிகழ்ச்சியில், மலேசிய தேசிய செய்தி நிறுவனம் (Bernama) உடைய கண்காணிப்பு குழு மற்றும் நிர்வாக சபைக்கான நியமனக் கடிதங்களை வழங்கிய நிகழ்ச்சிக்கு பிறகு செய்தியாளர்களிடம் அவர் இவ்வாறு கூறினார்.
சமீபத்தில் சமூக ஊடகங்களில் வைரலான ஒரு வீடியோவில், கொரியர் நிறுவன ஊழியர் ஒருவர் தனது நிறுவனம் சார்ந்த வாகனத்துக்காக BUDI95 மானிய பெட்ரோலை பயன்படுத்தியதாகக் கூறப்பட்ட சம்பவத்தை குறித்து விளக்கம் அளித்தார்.
“அந்த வீடியோவை நான் பார்வையிட்டேன். இது தொடர்பாக மலேசிய தகவல் மற்றும் மல்டிமீடியா ஆணையத்தினால் (MCMC) குறிப்பிட்ட கொரியர் நிறுவனத்தின் தலைமை நிர்வாக அதிகாரியுடன் (CEO) தொடர்பு கொள்ளப்பட்டுள்ளது.
சம்பந்தப்பட்ட ஊழியர் செய்தியை நீக்கியிருப்பது உறுதிசெய்யப்பட்டதுடன், அவர் ‘fleet card’ வைத்திருப்பதும் தெரிய வந்தது. மேலும், அந்த ஊழியர் மன்னிப்புக் கேட்டுள்ளார் என்பதும் தெரிவிக்கப்பட்டது.
இச்சம்பவத்தின் பின்னணியில், நிதி அமைச்சகம் மற்றும் மலேசிய எக்ஸ்பிரஸ் டெலிவரி நிறுவனங்களின் சங்கம் (AMEC) ஆகியவற்றுடன் இணைந்து, குறிப்பாக gig economyஇல் உள்ள தொழிலாளர்களுக்கான உதவித் திட்டங்களை அரசு பரிசீலித்து வருவதாக ஃபஹ்மி தெரிவித்தார்.
“தொலைநகல் விநியோகத்தில் இரண்டு வகையான பணியாளர்கள் உள்ளனர்: நிறுவனம் நேரடியாக நிரந்தரமாக நியமித்தவர்கள், அவர்கள் ‘fleet card’ வழியாக மானிய பெட்ரோலைப் பெறுவர்; மற்றவர்கள் gig economy தொழிலாளர்கள். இவர்களும் BUDI95 திட்டத்தில் அடங்கும் வகையில் நிதி அமைச்சகம் திட்டத்தை பரிசீலித்து வருகிறது,” என்றார்.
