கோலாலம்பூர், செப் 30 — BUDI Madani RON95 (BUDI95) திட்டம் இணைய அச்சுறுத்தல்களுக்கு எதிராக பாதுகாப்பானது என்று அரசாங்கம் நம்பிக்கை கொண்டுள்ளது என டிஜிட்டல் அமைச்சர் கோபிந்த் சிங் டியோ கூறினார்.
இத்திட்டத்தின் இணைய பாதுகாப்பு அம்சம் அதன் செயல்திறனை உறுதி செய்வதற்காக முழுமையாக ஆய்வு செய்யப்பட்டுள்ளது. மேலும் பல்வேறு சாத்தியமான அபாயங்களைக் கருத்தில் கொண்டுள்ளது என்று அவர் கூறினார்.
“நாங்கள் செயல்படுத்தியிருப்பது அனைத்து சாத்தியக்கூறுகளை ஏற்கனவே கருத்தில் கொண்ட ஒரு அமைப்பாகும். இப்போதைக்கு தொடர்வது பாதுகாப்பானது, மேலும், இந்த அம்சம் கவனமாக மதிப்பிடப்பட்டுள்ளது.
“டிஜிட்டல் மயமாக்கலின் அனைத்து அம்சங்களிலும் பிரதமர் எப்போதும் பாதுகாப்பிற்கு முன்னுரிமை அளித்து வருகிறார். இது BUDI95க்கும் பொருந்தும். பாதுகாப்பு அம்சத்துக்கு சிறப்பு கவனம் செலுத்தப்பட்டுள்ளது. மேலும், தற்போதுள்ள அமைப்பு அனைத்து சூழ்நிலைக்கும் தயாராக உள்ளது, ”என்று அவர் இன்று செய்தியாளர்களிடம் கூறினார்.
மலேசியா சர்வதேச வர்த்தக மற்றும் கண்காட்சி மையத்தில் (MITEC) இன்று இணைய டிஜிட்டல் சேவைகள் மற்றும் பாதுகாப்பு ஆசியா கண்காட்சி மாநாட்டைத் திறந்து வைத்த பிறகு கோபிந்த் இவ்வாறு கூறினார்.
இதற்கிடையில், இணைய பாதுகாப்பு மலேசியா மற்றும் தேசிய டிஜிட்டல் துறையுடன் இணைந்து வரைவு செய்யப்பட்ட டிஜிட்டல் நம்பிக்கை மற்றும் தரவு பாதுகாப்பு உத்தி 2026-2030, ஆண்டு இறுதிக்குள் தொடங்கப்படும் என்று கோபிந்த் அறிவித்தார்.
2026 முதல் 2030 வரையிலான காலகட்டத்திற்கு இணைய பாதுகாப்பை வலுப்படுத்தவும் பயனர் நம்பிக்கையை வளர்க்கவும் இந்த நடவடிக்கைகள் கோடிட்டுக் காட்டும் என்று அவர் கூறினார்.
