பந்தாய் மோரிப்பில் துப்புரவு இயக்கம்-  மீடியா சிலாங்கூர் பணியாளர்கள் பங்கேற்பு

கோல லங்காட், செப். 20-  மோரிப் கடற்கரையில் இன்று  நடைபெற்ற அனைத்துலக  கடற்கரை சுத்தம் செய்தல் மற்றும் மரம் நடும் தின கொண்டாட்டத்தில் மீடியா சிலாங்கூர் சென். பெர்ஹாட் நிறுவனத்தின்  11 ஊழியர்கள் பங்கேற்றனர்.

பெருநிறுவன சமூகப் பொறுப்புணர்வு  (சி எஸ்.ஆர்.) திட்டத்தின் கீழ் கோல லங்காட் நகராண்மைக் கழகம்  ஏற்பாடு செய்த மரம் நடுதல் மற்றும் குப்பைகளை சேகரித்தல் போன்ற நடவடிக்கைகளில்   பல நிறுவனங்களைச் சேர்ந்த தன்னார்வலர்கள் கலந்து கொண்டனர்.

ஒன்பதாவது ஆண்டாக மேற்கொள்ளப்படும்  இந்த திட்டத்தில  மீடியா சிலாங்கூர்  குழுமம் 24 கிலோகிராமுக்கும் அதிகமான கடற்கரைக் கழிவுகளைச் சேகரித்தது.

சுற்றுச்சூழல் ஆர்வலரும் #sayno2plastic பிரச்சாரத்தின் நிறுவனருமான தெங்கு டத்தின் படுகா ஜடாஷா 10 கிலோவுக்கும் அதிகமான குப்பைகளை சேகரித்தார். இது இந்த ஆண்டின் சிறந்த சாதனை என்று அவர் விவரிக்கப்படுகிறது.

இந்த அனைத்துலக  கடலோர தூய்மைப்படுத்தும் தின கொண்டாட்டம் அரசு சாரா அமைப்பான  பெருங்கடல் பாதுகாப்பு நிறுவனத்தின் முயற்சியின் வழி நடத்தப்படுகிறது. இந்த தினம் ஒவ்வொரு ஆண்டும் செப்டம்பர் மாதம் கொண்டாடப்படுகிறது.