ஷா ஆலம், ஆகஸ்ட் 20: சிலாங்கூர் வாழ்க்கை முறை மேம்பாட்டு தொகுதி (SLIM) மற்றும் சிலாங்கூரின் ஆரோக்கியமான குழந்தைகள் (ASAS) ஆகிய இரண்டு முக்கிய திட்டங்களை செயல்படுத்துவதன் மூலம் மாநில அரசு மக்களின் சுகாதார நிகழ்ச்சி நிரலை தொடர்ந்து வலுப்படுத்தி வருகிறது.
சமூகம் சுறுசுறுப்பாக இருக்கவும், உடற்பயிற்சி நிலைகளை பராமரிக்கவும், உடல் பருமன் விகிதங்களைக் குறைக்கவும் SLIM திட்டம் உடல் செயல்பாடுகளுக்கு முக்கியத்துவம் அளிக்கிறது என பொது சுகாதார ஆட்சிக்க்குழு உறுப்பினர் ஜமாலியா ஜமாலுடின் கூறினார்.
தொற்றா நோய்களைத் தடுக்கவும், வாழ்க்கைத் தரத்தை மேம்படுத்தவும் இந்த அணுகுமுறை முக்கியமானது என்று அவர் கூறினார்.
இதற்கிடையில், சமச்சீர் ஊட்டச்சத்து, சத்தான உணவு உட்கொள்ளல் மற்றும் குழந்தைகளின் வளர்ச்சிக்கு ஏற்ற உணவு பற்றிய விழிப்புணர்வு மூலம் ASAS அவர்களின் மீது கவனம் செலுத்துகிறது.
"இளைய தலைமுறை ஆரோக்கியமாகவும், புத்திசாலித்தனமாக வளர்வதையும், எதிர்காலத்திற்கான வலுவான சுகாதார அடித்தளத்தைக் கொண்டிருப்பதையும் உறுதி செய்வதற்கு இந்தத் திட்டம் முக்கியமானது" என்று அவர் முகநூல் மூலம் தெரிவித்தார்.
SLIM மற்றும் ASAS ஆகிய திட்டங்கள் மக்களின் சுகாதாரத் தரங்களை மேம்படுத்துவதற்கான மாநில அரசின் உறுதியை பிரதிபலிக்கின்றன.
"சமூகத்தின் ஆரோக்கியம் ஒரு நல்ல வாழ்க்கை முறை மற்றும் உணவு முறையுடன் தொடங்குகிறது," என்று அவர் கூறினார்.
சிலாங்கூரை ஒரு வளமான, ஆரோக்கியமான மாநிலமாக மாற்றும் விருப்பத்திற்கு ஏற்ப, இந்த திட்டங்களை விரிவுபடுத்தவும் மேம்படுத்தவும் தொடர்ந்து நடவடிக்கை எடுப்பதற்கான தனது உறுதிப்பாட்டை மாநில அரசு மீண்டும் வலியுறுத்தியது.
