ஷா ஆலம், ஜூலை 8: ஜனவரி 1, 2025 நிலவரப்படி, 137 திட்டங்களை உள்ளடக்கிய மொத்தம் 43,021 ரூமா சிலாங்கூர் கூ வீடுகள் கட்டி முடிக்கப்பட்டு உரிமையாளர்களிடம் ஒப்படைக்கப்பட்டுள்ளன.
ரூமா சிலாங்கூர் கூ மாதிரியானது, மாநிலத்தில் உள்ள அனைத்து மக்களுக்கும் வசதியான மற்றும் மலிவு விலையில் வீடுகள் இருப்பதை உறுதி செய்வதற்காக தரமான அம்சங்களை வலியுறுத்துவதாக வீட்டுவசதி ஆட்சிக்குழு உறுப்பினர் தெரிவித்தார்.
“இலக்கு குழுவிற்கான உள்ளடக்கம், சமூக மேம்பாடு மற்றும் நிலையான வளர்ச்சி என்ற கருத்துடன் ரூமா சிலாங்கூர் கூ திட்டம் கட்டமைக்கப்பட்டுள்ளது,” என்று டத்தோ போர்ஹான் அமன் ஷா கூறினார்.
இன்று சிலாங்கூர் மாநில சட்டமன்ற (DNS) அமர்வில் கட்டி முடிக்கப்பட்டு குடியேறிய மலிவு விலை வீடுகளின் எண்ணிக்கையை அறிய விரும்பிய மாநில சட்டமன்ற உறுப்பினர் முகமது ஷாஃபி நகாவின் கேள்விக்கு அவர் இவ்வாறு பதிலளித்தார்.
2013இல் வீட்டுவசதிக் கொள்கை அறிமுகப்படுத்தப்பட்டதிலிருந்து 3,987 ரூமா சிலாங்கூர் கூ வீடுகளை சிலாங்கூர் மாநில மேம்பாட்டுக் கழகம் (PKNS) கட்டி முடித்துள்ளது என்றும் அவர் கூறினார்.
"2033ஆம் ஆண்டுக்குள் 10,000 யூனிட்களை உருவாக்குவதே PKNS இன் ஒட்டுமொத்த இலக்காகும். மீதமுள்ள 6,013 யூனிட்கள் தற்போது கோத்தா புத்ரி மற்றும் சைபர் வெல்லி போன்ற மூலோபாய மேம்பாட்டுப் பகுதிகளில் கட்டம் கட்டமாக செயல்படுத்த திட்டமிடப்பட்டுள்ளது," என்று அவர் கூறினார்.
