கோலாலம்பூர், 30 மார்ச்;- பிரதமர் டத்தோ ஸ்ரீ அன்வர் இப்ராஹிம் இந்த நாட்டில் உள்ள பல்வேறு இனங்கள் மற்றும் மதங்களைச் சேர்ந்த சமூகங்களிடையே நல்ல உறவைத் தொடர அனைத்து முஸ்லிம்களுக்கும் அழைப்பு விடுத்தார்.
பரஸ்பர மரியாதை, கருணை மற்றும் ஒருவருக்கொருவர் அன்பு செலுத்துதல் வேண்டும். நாம் மேற்படி நற்பண்புகளை மறந்தால் நாடு எதிர்பார்க்கும் ஸ்திரத்தன்மை மற்றும் அமைதிக்கு உத்தரவாதம் அளிக்க முடியாது என்று அன்வர் கூறினார்.
"ரமலான் பண்டிகை மற்றும் ஐடில்ஃபித்ரியின் தருனம் மனித கண்ணியத்தை உயர்த்துவதன் முக்கியத்துவத்தை, உன்னதமான மற்றும் சுதந்திரமான மனிதர்களாக மனிதகுலத்தின் கண்ணியத்தை தொடர்ந்து வலியுறுத்துவோம்".
"இந்த ஐடில்ஃபித்ரி இத்தகைய விழிப்புணர்வுடன் கொண்டாடப்படும், மேலும் கண்ணியமான மனிதர்களாக நமது அந்தஸ்தை உயர்த்தும், உன்னதமான ஒழுக்கத்துடன், நமது கடமைகளை முழு நம்பகத்தன்மையுடன் நிறைவேற்றும்" என்று அவர் கூறினார்.
இன்று அனைத்து உள்ளூர் தொலைக்காட்சி நிலையங்களிலும் நேரடியாக ஒளிபரப்பப் பட்ட 2025 பிரதமரின் சிறப்பு ஐடில்பித்ரி செய்தியில் அவர் இதைக் கூறினார்.
மக்களின் துடிப்பு, அவர்களின் குறைகள் மற்றும் பரிந்துரைகளைக் கேட்பது, மத்திய, மாநில மற்றும் உள்ளாட்சி அமைப்புகளால் மேற்கொள்ளப்படும் செயல்படுத்தல் முறைகளின் செயல்திறனைக் கவனிப்பது ஆகியவை இதன் தனித்துவமாகும்".
"நாம் தொடர்ந்து பொருளாதார வளர்ச்சியை உருவாக்கி வருகிறோம், அதன் வலிமையால் பெரும்பான்மையான மக்களின் வாழ்க்கைத் தரத்தை உயர்த்துவதில் வெற்றிக் கண்டுள்ளோம் என்பதை நான் வலியுறுத்துகிறேன்" என்று அவர் கூறினார்.
இந்த ரமலான் முழுவதும் முஸ்லீம் சமூகம் தங்கள் மதக் கடமைகளை நிறைவேற்றுவதில் இணைந்து செயல்பட முடிந்ததற்கு பிரதமர் நன்றி தெரிவித்தார், இது புதிய மதிப்புகளை வளர்க்கும் என்றும் ஒழுக்கம், ஒருமைப்பாட்டை வலியுறுத்துவதோடு அனைத்து முஸ்லிம்களின் ஆரோக்கியத்தையும் மேம்படுத்தும் என்றும் அவர் நம்புகிறார்.
அல்லாஹ்வின் திருப்தியை அடைவதற்காக ரமலான் ஆன்மீகப் பயணத்தின் பயிற்சிக்கு உட்பட்டு, ஆசீர்வதிக்கப்பட்ட ரமலான் மாதத்தில் நாம் ஒன்றாக சென்றுள்ளோம்.
"கூடுதலாக, காசா, பாலஸ்தீனத்தில் நிகழும் பேரழிவுகள் மற்றும் அநீதிகள் உட்பட ஓரங்கட்டப்பட்ட மற்றும் புறக்கணிக்கப்பட்ட நமது அண்டை நாடுகள், சமூகம் மற்றும் சுற்றியுள்ள சமூகத்தின் தலைவிதி குறித்து நாம் தொடர்ந்து அதிக அக்கறை காட்டுவோம்" என்று அவர் கூறினார்.
ஐடில்பித்ரி கொண்டாட்டத்தின் போது, அன்வர் அனைத்து மலேசியர்களிடமும் தனது மன்னிப்பை வெளிப்படுத்தினார்.
அதே நேரத்தில் அனைத்து தரப்பினரின் நலனுக்காக நாட்டை தொடர்ந்து வழிநடத்த தனது உறுதிப்பாட்டை கூறினார்.
அரச முத்திரை காப்பாளர் டான் ஸ்ரீ சையத் டானியல் சையத் அகமது நேற்று மாலை உள்ளூர் தொலைக்காட்சி ஒளிபரப்பில் அறிவித்தபடி, மலேசியாவில் உள்ள முஸ்லிம்கள் நாளை ஐடில்பித்ரி தினத்தை கொண்டாடுவார்கள்
