இங்கிலாந்து, மார்ச் 13 - இங்கிலாந்து பூப்பந்து போட்டியில் ஹாங்காங் போட்டியாளரிடம் தோல்வி கண்டு தேசிய ஒற்றையர் ஆட்டக்காரர் லீ சீ ஜியா
முதல் சுற்றில் வெளியேறினார்,
ஹாங்காங்கின் ங் கா லொங்குடன் முதல் சுற்றில் மோதிய லீ சீ ஜியா முதல் செட்டில் 21-19 என்று வெற்றி பெற்றார். ஆனால், அடுத்த இரு செட்களில் அதனைத் தற்காத்துக்கொள்ள முடியாமல் 21-16, 21-12 என்ற நிலையில் அவர் தோல்வியைத் தழுவினார்.
இதனிடையே, ஆடவர் இரட்டையர் பிரிவில், நாட்டின் தேசிய இரட்டையரான ஆரோன் சியா- சொ ஆய் யிக் ஜோடியும் முதல் சுற்றில் தோல்வி அடைந்துள்ளது.
டென்மார்க் இணையுடன் மோதிய மலேசிய இணை முதல் செட்டில் 21-18 என்ற நிலையில் இழந்த போதிலும், 16-21 என இரண்டாம் செட்டை கைப்பற்றினர்.
ஆனால், அவர்கள் 18-21 என்று மூன்றாம் செட்டில் தோல்வியை தழுவினர்.
அதேபோல, ஒங் யுவ் சின்-தியோ ஈ யீ ஜோடியும் 18-21, 19-21 என்று உபசரணை நாட்டினரிடம் நேரடி செட்களில் வீழ்ந்தனர்.
மற்றொரு நிலவரத்தில், கலப்பு இரட்டையர் பிரிவில் கோ சுன் ஹுவாட்-ஷிவொன் லை ஜெம்மி ஜோடியின் வெற்றி நாட்டின் தேசிய பூப்பந்து அணிக்குச் சற்று உற்சாகத்தைக் கொண்டு வந்தது.
கணவன் மனைவி தம்பதியான,அந்த ஜோடி தாய்லாந்தின் தேச்சபோல் புவரனுக்ரோஹ்-சுபிஸ்ஸரா பாவ்சம்பிரானுடன் களம் கண்டனர்.
அதில், 22-20, 9-21 மற்றும் 21-18 என்ற நிலையில் 60 நிமிடங்களில் தங்களின் வெற்றியை உறுதி செய்தனர்.
காலிறுதிக்கு முன்னதாக நடைபெறவிருக்கும் ஆட்டத்தில் ஹுவாட்-ஷிவொன் இணை, ஸ்காட்த்திலாந்து இணையுடன் மோதவிருக்கின்றனர்.
இதனிடையே, கலப்பு இரட்டையர் பிரிவில் களம் கண்ட ஹோ பாங் ரோற்செங் சு யின் எனும் நாட்டின் மற்றுமொரு ஜோடி தென் கொரியா இணையிடம் தோல்வி கண்டது.
17-21, 18-21 என்று கி டொங் ஜூ-ஜியோங் ன எயுன் இணையிடம் மலேசியா வீழ்ந்தது.
அதேவேளையில், தேசிய ஒற்றையர் வீரர் லியோங் ஜூன் ஹொவும் நடப்பு வெற்றியாளரான இந்தோனேசியாவின் ஜோனாத்தன் கிறிஸ்டியிடம் 11-21, 19-21 என்ற நிலையில் தோல்வியடைந்தார்.
-பெர்னாமா
