நியூ யோர்க், மார்ச் 3 – எதிர்வரும் மே மாதம் தொடங்கி இணையம் வாயிலான தொலைப்பேசி மற்றும் வீடியோ சேவையான `Skype` பயன்பாட்டில் இருக்காது என மைக்ரோசோஃப்ட் நிறுவனம் அறிவித்துள்ளது.
இந்நிலையில் தங்களின் log-in தகவல்களைப் பயனர்கள் `Microsoft Teams` செயலியில் பயன்படுத்த முடியும் என X தளம் வாயிலாக அறிவிக்கப்பட்டுள்ளது.
மேலும், ஈராயிரத்தாம் ஆண்டுகளின் மத்தியில் முக்கியத் தொடர்பு முறையாக இருந்தது இந்த Skype செயலியாகும் என்பது குறிப்பிடத்தக்கது.
Skype-யை 8.5 பில்லியன் டாலரை ரொக்கமாகக் கொடுத்து வாங்கிய மைக்ரோசோஃப்ட் அதனை 14 ஆண்டுகளுக்குப் பிறகு மூடுகிறது.
இதற்கு காரணம் அண்மைய ஆண்டுகளில் அதன் பிரபலம் மெல்ல சரியத் தொடங்கியது.
கோவிட்-19 பெருந்தொற்றினால் உலகமே முடங்கிய போது, Zoom, Google Meet, Cisco Webex உள்ளிட்ட செயலிகள் பிரபலம் அடைந்திருந்த நிலையில் Skype தொடர்ந்து பின்தங்கியது.
கடந்த 15 ஆண்டுகளாக Apple நிறுவனத்தின் FaceTime, Meta-வின் `WhatsApp` போன்றவற்றின் வருகையாலும் Skype கடும் சவாலை எதிர்நோக்கியிருந்தது குறிப்பிடத்தக்கது.
