புத்ராஜெயா, பிப் 26: கல்வி அமைச்சு தற்போதுள்ள பாடத்திட்டங்களைப் பயன்படுத்தி மாணவர்களிடையே சாலைப் பாதுகாப்பு கல்வியை தொடர்ந்து மேம்படுத்தும்.
ஒவ்வொரு மாணவரும் சாலைப் பாதுகாப்பு குறித்த விழிப்புணர்வைப் பெற்றிருப்பதை உறுதி செய்வதில் தனது துறை எப்போதும் உறுதியாக இருப்பதாக கல்வி இயக்குநர் ஜெனரல் அஸ்மான் அட்னான் கூறினார்.
"நீண்ட காலமாக, சாலைப் பாதுகாப்பின் முக்கியத்துவம் குறித்த விழிப்புணர்வை ஏற்படுத்துவதற்காக கல்வி அமைச்சகம் பல்வேறு முயற்சிகளை செயல்படுத்தி வருகிறது.
"உண்மையில், எங்கள் பாடத்திட்டத்தில், பாதுகாப்பு விழிப்புணர்வு தொடர்பான கூறுகளும் சேர்க்கப்பட்டுள்ளன. இதன் மூலம், மாணவர்கள் போக்குவரத்து வசதிகளை தங்கள் திறனுக்கு ஏற்றவாறு பயன்படுத்துவதன் முக்கியத்துவத்தைப் புரிந்துகொள்கிறார்கள்," என்று அவர் 2025 மலேசிய பள்ளி விளையாட்டு கவுன்சில் (MSSM) நாட்காட்டியை அறிமுகப்படுத்திய பின்னர் இவ்வாறு கூறினார்.
கடந்த வாரம் இரண்டாம் ஆண்டு மாணவர் ஒருவர் சாலை விபத்தில் சிக்கி பலத்த காயமடைந்த சம்பவம் குறித்து கருத்து தெரிவிக்கும் போது அவர் இவ்வாறு கூறினார்.
கடந்த வியாழக்கிழமை நடந்த இந்த விபத்தில், 8 வயதான கைருல் ஹனாஃபியை பள்ளியின் முன் உள்ள சாலையைக் கடக்கும்போது வாகனம் ஒன்று மோதியது. அம்மாணவருக்கு தலையில் பலத்த காயம் ஏற்பட்டதாகவும் இடது கால் உடைந்ததாகவும் புத்ராஜெயா மாவட்ட காவல்துறைத் தலைவர் ஏசிபி ஐடி ஷாம் முகமது தெரிவித்தார்.
இதற்கிடையில், பல்வேறு தரப்பினரின் உதவி மற்றும் ஆதரவு குறிப்பாக சாலைப் பாதுகாப்பு குறித்த மாணவர்களின் விழிப்புணர்வை அதிகரிக்கும் முயற்சிகளில் பெற்றோர்-ஆசிரியர் சங்கத்தின் பங்கு மிகவும் முக்கியமானது.
