கோத்தா திங்கி ஜன 29 ; கோத்தா திங்கி யில் கடந்த திங்கட்கிழமை இங்குள்ள தாமான் கோத்தா ஜெயாவில் ஒரு வடிகாலில் விழுந்து பலத்த நீரோட்டத்தால் அடித்துச் செல்லப்பட்ட பின்னர் காணாமல் போன ஒரு சிறுவன் இன்று காலை தேடுதல் மற்றும் மீட்பு (எஸ்ஏஆர்) குழுவால் நீரில் மூழ்கிய நிலையில் காணப்பட்டார்.
இரவு 10:20 a.m மணிக்கு ஜோகூர் ஆற்றின் குறுக்கே தேடுதல் தொடர்ந்தபோது, ஒன்பது வயது குழந்தையின் உடல் முழுமையாக ஆடை அணிந்து நீரின் மேற்பரப்பில் மிதப்பது கண்டுபிடிக்கப் பட்டதாக கோத்தா திங்கி மாவட்ட காவல் துறைத் தலைவர் சூட் யூசோஃப் ஒத்மான் தெரிவித்தார்.
கண்டுபிடிக்கப்பட்ட உடல் காணாமல் போன தனது குடும்ப உறுப்பினரின் குழந்தை என்பதை குழந்தையின் உறவினர்கள் உறுதிப் படுத்தியதாக அவர் கூறினார்.
"பாதிக்கப்பட்டவரின் உடல் விசாரணை நடைமுறைகளுக்கு கோத்தா திங்கி மருத்துவமனையில் தடயவியல் துறைக்கு கொண்டு செல்லப்பட்டது, மேலும் இந்த வழக்கு திடீர் மரண அறிக்கையின் (எஸ். டி. ஆர்) கீழ் வகைப்படுத்தப் பட்டது" என்று அவர் இன்று ஒரு அறிக்கையில் தெரிவித்தார்.
கடந்த திங்கட்கிழமை, பிற்பகல் 3 மணியளவில் பெய்த கனமழையின் போது ஒரு சிறுவன் தனது செருப்புகளை மீட்க முயன்ற போது வடிகாலில் விழுந்ததாக நம்பப்படுகிறது.
