சுபாங், டிசம்பர் 21: நாட்டில் தீவிர வறுமையை ஒழிப்பதற்கான முயற்சிகளில் மற்றும் உதவி விநியோகம் தொடர்பான இன விவரக்குறிப்பு தொடர்பான அனைத்து அவதூறுகளும் உடனடியாக நிறுத்தப்பட வேண்டும் என்று பிரதமர் டத்தோ ஸ்ரீ அன்வார் இப்ராஹிம் இன்று வலியுறுத்தினார்.
தீவிர வறுமையை ஓழிப்பதற்கான முயற்சியில் எந்த ஒரு இனப் பாகுபாடும் இல்லாமல் உதவி வழங்குவதே அரசாங்கத்தின் கொள்கை தெளிவாக உள்ளது என்று அவர் கூறினார்.
"அதனால்தான் நான் 'இன விவரக்குறிப்பு' உடன் கடுமையாக உடன்படவில்லை". (pemprofilan perkauman). "ஆரம்பத்தில் இருந்தே எனது நிலைப்பாட்டைப் பார்த்தால், நான் மலேசிய இஸ்லாமிய இளைஞர் இயக்கத்தில் (ஏபிஐஎம்) இருந்தபோது, 'இன விவரக்குறிப்பை' வலியுறுத்தும் கண்ணோட்டத்தில் புதிய பொருளாதாரக் கொள்கையை எதிர்த்தேன்" என்று அவர் இன்று செய்தியாளர் கூட்டத்தில் கூறினார்.
நிதி அமைச்சராகவும் இருக்கும் அன்வார், இந்திய சமூகத்திற்கு கூடுதலாக ஒதுக்கப்பட்ட RM 130 மில்லியன் போதுமானதாக இல்லை என்ற ஒரு சிலரின் கூற்றுக்கு பதிலளித்தார்.
RM 130 மில்லியன் ஒதுக்கீடு அந்த சமூகத்திற்கான உதவியின் ஒரு பகுதி மட்டுமே என்று அவர் விளக்கினார், இதில் தேசிய தொழில் முனைவோர் குழு பொருளாதார நிதி (TEKUN) மற்றும் மலேசிய அறக்கட்டளை நிதியத்தின் கீழ் பல முன் முயற்சிகளும் அடங்கும். (AIM).
இந்திய சமூகத்திற்காக அமைச்சகத்தின் கீழ் மேலும் பல முன்முயற்சிகளைச் சேர்க்க தொழில் முனைவோர் மேம்பாடு மற்றும் கூட்டுறவுத் துறை துணை அமைச்சர் டத்தோ ஸ்ரீ ஆர். ரமணனுக்கும் சமீபத்தில் அறிவுறுத்தப் பட்டதாக பிரதமர் கூறினார்.
இதற்கிடையில், மடாணி அரசாங்கத்தின் தலைமையின் கீழ் மலாய்க்காரர்கள் அச்சுறுத்தப் படுவதாகவும், அதே நேரத்தில் இந்திய சமூகம் ஓரங்கட்டப் பட்டதாகவும், அரசாங்கத்தால் கவனம் செலுத்தப்படவில்லை என்றும் கூறி இன உணர்வுகளில் விளையாட முயற்சிப்பவர்கள் மீது அன்வார் வருத்தம் தெரிவித்தார்.
எதிர்க்கட்சி மாநிலங்களை புறக்கணித்ததாக கூறி அவர் கொடுங்கோன்மை கொண்டவர் என்று குற்றம் சாட்டிய கட்சிகளும் உள்ளனர். அதேசமயம் எதிர்க்கட்சிகள் நிர்வாகத்தின் கீழ் உள்ள அனைத்து மாநிலங்களுக்கும் செலவினங்களை அதிகரிப்பதை உறுதி செய்வதன் மூலம் மத்திய அரசு நியாயமாக உள்ளது என்று அவர் கூறினார்.
பெர்லிஸ் போன்ற, ஒற்றுமை அரசாங்கத்தில் இணையாத மாநிலகளுக்கான ஒதுக்கீடுகளின் அதிகரிப்பு, அடுத்த ஆண்டு RM 215.97 மில்லியனாக உயர்ந்தது, கெடா (RM 532.07 மில்லியன்) கிளந்தான் (RM 429.05 மில்லியன்) மற்றும் திரங்கானுக்கு RM450.12 மில்லியன் என பட்டியலிட்டார்.
கூடுதலாக, பெர்லிஸில் வெள்ளத்தைத் தணிக்கும் திட்டங்கள் உட்பட அடுத்த ஆண்டு RM15 மில்லியன், கெடா (RM 132 மில்லியன்) கிளந்தான் (RM 146.19 மில்லியன்) மற்றும் திரங்கானு RM 77.1 மில்லியன் உள்ளிட்ட வளர்ச்சித் திட்டங்களுக்கு ஒதுக்கீடு அதிகரித்துள்ளது என்று அன்வார் கூறினார்..
நீர் வழங்கல் திட்டங்களுக்கு, பெர்லிஸ் அடுத்த ஆண்டு RM11 மில்லியன், கெடா (RM 78.6 மில்லியன்) கிளந்தான் (RM 51.5 மில்லியன்) மற்றும் திரங்கானு RM 2.6 மில்லியன் ஆகியவற்றைப் பெறும் என்று அவர் கூறினார்.
