ஷா ஆலம், செப்டம்பர் 14: கடந்த வாரம் தொடங்கப்பட்ட மைசெஜாத்ரா செயலி மூலம் மொத்தம் 4,500 உறுப்பு தான உறுதிமொழிகள் பதிவு செய்யப்பட்டுள்ளன.
செவ்வாய்க்கிழமை பிற்பகல் 3 மணி நிலவரப்படி உறுதி மொழிகளின் எண்ணிக்கை இருப்பதாக சுகாதார அமைச்சர் கைரி ஜமாலுடின் ட்விட்டர் மூலம் தெரிவித்தார்.
"@my_sejahtera இல் இந்த அம்சத்தை நாங்கள் அறிமுகப்படுத்தியதிலிருந்து 4,500 உறுப்பு தானம் செய்பவர்கள் உறுதியளித்துள்ளனர். தயவு செய்து இதனை பரப்புங்கள். இன்றே உடல் உறுப்பு தானம் செய்பவர் இருங்கள். மேலும் உயிர்களை காப்பாற்றுங்கள்," என்று அவர் இன்று கூறினார்.
செப்டம்பர் 6 ஆம் தேதி, மைசெஜாத்ரா செயலியின் மூலம் உறுப்பு தான உறுதிமொழியாக பதிவு செய்யலாம் என்று கைரி தெரிவித்தார்.
2021 ஆம் ஆண்டில் உலகிலேயே மிகக் குறைந்த மாற்று அறுவை சிகிச்சை விகிதத்தைக் கொண்ட 10 நாடுகளில் மலேசியாவும் இருக்கும் போது, இந்த நாட்டில் உறுப்பு தானம் மிகக் குறைந்த விகிதத்தைப் பின்பற்றுகிறது என்று அவர் கூறினார்.
