ஷா ஆலம், ஆகஸ்ட் 18: சிலாங்கூரில் உள்ள சபாக் பெர்ணம் மாவட்டத்தில், இன்று நண்பகல் 12 மணி வரை இடியுடன் கூடிய பலத்த மழை பெய்யும் என்று கணிக்கப்பட்டுள்ளது.
மலேசிய வானிலை ஆய்வுத் துறையின் (மெட்மலேசியா) கூற்றுப்படி, பேராக்கில் உள்ள கெரியன், லாரூட், மாத்தாங் மற்றும் செலாமா, மஞ்சுங், பேராக் தெங்கா, பாகன் டத்தோ மற்றும் ஹிலிர் பேராக் ஆகிய பகுதிகளிலும் எச்சரிக்கை விடுக்கப்பட்டுள்ளது.
மெட்மலேசியாவின் கூற்றுப்படி, இடியுடன் கூடிய மழைப்பொழிவு ஒரு மணி நேரத்திற்கு 20 மில்லிமீட்டர் (மிமீ/ மணி நேரம்) அதிகமாக இருக்கும் என எச்சரிக்கைகள் விடுக்கப்படுகின்றன.
இடியுடன் கூடிய மழை முன்னறிவிப்பு என்பது ஒரு குறுகிய கால எச்சரிக்கையாகும், இது ஒரு வெளியீட்டிற்கு ஆறு மணிநேரத்திற்கு மிகாமல் இருக்கும்.
சமீபத்திய மற்றும் உண்மையான தகவல்களுக்கு பொதுமக்கள் www.met.gov.my என்ற இணையதளத்தைப் பார்க்கவும், சமூக ஊடகங்கள் மற்றும் myCuaca செயலியைப் பதிவிறக்கவும் அறிவுறுத்தப்படுகிறார்கள்.
