புத்ராஜெயா, பிப் 22: சந்தையில் இப்போது சுமார் 1.8 கோடி கோவிட்-19 ஆன்டிஜென் ரேபிட் டெஸ்ட் கிட்கள் (சுயச் சோதனை) அல்லது ஆர்டிகே கிடைக்கின்றன என்று உள்நாட்டு வர்த்தகம் மற்றும் பயனிட்டாளர் விவகார அமைச்சகம் (KPDNHEP) தெரிவித்துள்ளது.
KPDNHEP இன் அறிக்கையின்படி, சந்தையில் நிலையான விநியோகத்தை உறுதி செய்வதற்காகக் குறிப்பாக இறக்குமதியாளர்கள், உற்பத்தியாளர்கள், மொத்த விற்பனையாளர்கள் மற்றும் சில்லறை விற்பனையாளர்கள் மட்டத்தில் தினசரிக் கண்காணிப்பு மற்றும் ஆய்வுகளின் அடிப்படையில் இந்தத் தொகை நிர்ணயிக்கப் பட்டுள்ளது.
24 நவம்பர் 2021 அன்று ஆர்டிகே சப்ளை கட்டுப்பாடு ஆணை (எண்.6) 2021 இன் கீழ்க் கட்டுப்படுத்தப்பட்ட பொருளாக வர்த்தமானியில் வெளியிடப்பட்டது மற்றும் சந்தையில் விநியோகம் எப்போதும் போதுமானதாக இருப்பதை உறுதி செய்வதற்காக 1 டிசம்பர் 2021 முதல் நடைமுறைக்கு வந்தது.
KPDNHEP அறிக்கையில், மலேசியாவில் ஆர்டிகேயை உற்பத்தி செய்ய நிபந்தனை அனுமதி பெற்ற எட்டு நிறுவும் உற்பத்தியாளர்கள் பிப்ரவரி 2022 வரை மொத்தம் 43.06 லட்சம் யூனிட் ஆர்டிகேயை தயாரித்துள்ளனர், அதே நேரத்தில் மலேசியா ஏழு நாடுகளில் இருந்து மொத்தம் 23.4 லட்சம் யூனிட் ஆர்டிகேயை இறக்குமதி செய்துள்ளது.
KPDNHEP இன் கூற்றுப்படி, ஜனவரி 1 முதல் நேற்று வரையிலான காலகட்டத்தில் ஆர்டிகே இருப்பு இல்லாதது தொடர்பான மூன்று புகார்கள் மட்டுமே பெறப்பட்டன.
"சந்தையில் ஆர்டிகேவின் விலை வரம்பு இந்த நேரத்தில் ஒரு யூனிட்டுக்கு RM4.90 முதல் RM19.90 வரை உள்ளது, ஆனால் 80 சதவிகித ஆர்டிகேயை ஒரு யூனிட் RM10.00 க்கும் குறைவாக விற்கப்படுகிறது" என்று அமைச்சகம் கூறியது.
மலேசிய மருத்துவ சாதனங்கள் ஆணையத்தால் (MDA) அங்கீகரிக்கப்பட்ட ஆர்டிகேயை விற்க மொத்தம் 8,084 சில்லறை வணிக வளாகங்களுக்கு அனுமதி வழங்கப்பட்டுள்ளது.
KPDNHEP, தேவையின் காரணமாகப் பீதி அல்லது அதிகப்படியான கொள்முதல் செய்வதன் மூலம் கோவிட்-19 தொற்றுகளின் அதிகரிப்பு பற்றிய அறிக்கைகளைத் தொடர்ந்து மக்கள் பீரியடைய வேண்டாம் என்று அறிவுறுத்தியது.
"எம்டிஏ அனுமதி பெறாத ஆர்டிகேக்கள் குறித்து எப்போதும் எச்சரிக்கையாக இருங்கள்" என்று அவர் கூறினார்.
